Web presence of Larry Chang

Larry Chang: Translations

DI PIIRIAD

Extract from A Tale of Two Cities
Charles Dickens
Translated from English.

 

A weh di besis taim,
a weh di wosis taim,
a weh di iej a wizdam,
a weh di iej a fuulinish,
a weh di epok a biliif,
a weh di epok a anbiliif,
a weh di siizn a Lait,
a weh di siizn a Daaknis,
a weh di pring a uop,
a weh di winta a puro,
wi eh ab ebriting bifuo wi, wi neh gat notn bifuo wi, aal a wi ena go chriet a Ebn, aal a wi ena go dairek teda wie — jos so, di piiriad op tel den komiin sieh laka di prezant piiriad, tel aal som a di big-mout aataritidem swier se di taim so gud ah so bad sotel nomo kyaah kompier.

King wid bofo jaa ah kwiin wid plien fies, de pah di chuon a Ingglant; king wid bofo jaa ah kwiin wid priti fies, de pah di chuon a Frans. Ina buot konchri ikliera dah kristal tu di laad dem fi di Stiet kanchuol fi bred ah fish, se ting ah ting weh sekl fi eba.

A weh di ier a Di Laad wan touzn sebm onjrid ah sebmti-faib. Pirichual rivilieshan weh grant tu Ingglant deh taim de, laka nou.

 

© 2014

Free Guestbook from Bravenet.com

BACK TO TOP | HOME | CONTACT

Creative Commons License This work is licensed under a Creative Commons Attribution-Noncommercial-Share Alike 3.0 License.